अवधी  रचना
बिकाऊ वोट
है वोट बिकाऊ लेहौ का
बदले म हमका देहौ का
लिख के कागद म धरे जाव
जब जितिहौ तब तुम करिहौ का
         मीडिया क साधेव तुम अच्छा
          पहिराय दिहेव सब का कच्छा
           वादा तुमहू तो किहेव खूब
            जनता देई तुमका सिच्छा
अब लफ्फाजी न काम करी
न लटका झटका पहिले का
है वोट बिकाऊ लेहौ का
बदले म हमका देहौ का
                 अब जून जमाना बदल गवा
                  होइगा है सब कुछ नवा नवा
                   मैगी अौ कोलगेट शैम्पू
                    गांवन गांवन म पहुंच गवा
अब उल्लू न बनिहैं हरखू
जुग आवा है इंटरनेट का
है वोट बिकाऊ लेहौ का
बदले म हमका देहौ का
                        केतनौ करिहौ न छिपा रही
                         पानी क हगा उतराय परी
                          हौ ठाढ़ कांच के घर म तुम
                           हरकत हर एक देखाय रही
अब चली न कउनो हथकंडा
अब मूड़ न पइ हौ जनता का
है वोट बिकाऊ लेहौ का
बदले म हमका देहौ का
bhonpooo.blogspot.in